So Ching退出COLLAR丨Gao尊重決定七人繼續走下去 Winka回應「8-1=0」說法

組合COLLAR去年1月正式成軍，由《全民造星IV》選出的邱彥筒（Marf）、沈貞巧（Gao） 、許軼（Day）、王家晴（Candy）、蘇雅琳（Ivy So）、陳泳伽（Winka）、李芯駖（芯駖）、蘇芷晴（So Ching）組成，其中Gao是隊長，組合過去先後推出多首歌曲，大受歡迎。可惜年隔一年多，So Ching今日IG正式宣布退團，MakerVille下午召開記者會交代女團未來方向。

同場加映：

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

So Ching@COLLAR宣布正式退團 感慨：過去的日子確實不容易【下一頁】

{{hket:inline-image name="3cd2357c-0df8-4192-9fd0-e90ff1df4043.jpg"}}{{/hket:inline-image}}

{{hket:inline-image name="895f784b-49ed-432b-970e-e20dbbe641bc.jpg"}}{{/hket:inline-image}}

{{hket:inline-image name="3040f687-d9ba-47eb-87d5-565c776a1d60.jpg"}}{{/hket:inline-image}}

COLLAR經理人戴穎率先發言，她表示MakerVille和So Ching已經分別在IG公布So Ching退出COLLAR的決定，並稱公司和大家都非常尊重她的決定，祝福So Ching未來的發展方向。隨後COLLAR七位成員現身，她們以藍白色裝扮示人，隊長Gao負責發言：「今日喺度同大家講呢件事，So Ching做咗一個艱難決定，就係決定退團離開，我哋同大家一樣唔捨得佢。呢段日子見到佢好努力平衡各方面，包括佢再次上舞台表演，希望大家畀啲空間佢，等佢重新出發，過佢平靜自在嘅日子。知道佢呢段時間好唔容易，完全尊重So Ching嘅決定，往後日子COLLAR會繼續行落去，同以前一樣努力，一直以來多謝大家不離不棄，陪伴我哋行每一步，希望一齊好好祝福So Ching。」

突傳So Ching轉軚退出COLLAR ViuTV宣布下午三點開記者會【下一頁】

{{hket:inline-image name="7bb46869-9f07-44bc-9306-44e2aa21aab7.jpg"}}{{/hket:inline-image}}

後來直到答問環節，記者追問到底So Ching何時決定退團？Gao有所保留說：「係較早前決定，至於幾時就真係唔記得喇！（嘗試挽留？）一路都有同蘇晴溝通，不過關於佢心情，佢IG文章已經交代咗，我哋亦唔方便幫佢回應，但我哋當然都有唔開心同唔捨得，過去呢段日子見到佢努力重新適應，面對唔同生活，明白佢亦尊重佢決定。」她表示大家將會帶著So Ching的力量，以七人姿態繼續走下去，而COLLAR亦不會改名，問到So Ching是否有舞台陰影、成員間有否談及去年MIRROR演唱會及公司處理手法，Gao說：「關於呢方面，其實佢喺文章裏面都已經交代晒，希望大家唔好太過揣測佢嘅意思。」

提到So Ching休息停工期間，Winka一度講過女團是「8-1=0」，問到如今是否成真？她說：「當時呢句說話我講嘅，我自己個人好想畀力量So Ching，希望我哋之後嘅團歌同作品，好想等埋佢返嚟先做。而家佢有呢個決定一定要接受，而家當作『歸零』重新出發，大家繼續支持我哋作品。」至於So Ching解約的問題，戴穎補充指合約條款同細節不方便透露，公司一直有跟So Ching溝通，絕對會彈性處理。

眾團員亦有各自分享感受：

Ivy So：So Ching歸隊嘅時候好開心，見到佢一路適應，重新上舞台，佢係好勇敢嘅女仔，希望生活開開心心，我哋當然會唔開心但尊重佢嘅決定，雖然換身分但COLLAR經歷嘅唔會變！

Candy：一定唔開心同唔捨得，最重要係So Ching過得幸福開心同自在，絕對尊重佢決定。

Marf：以我哋對So Ching了解同認識，收到消息之後冇再多問，尊重佢。之後我哋會聚焦喺團隊工作，八個女仔大家都好有夢想，好多嘢想挑戰。

Gao：一直以來見到So Ching好努力融入番我哋，呢個過程見到佢過得唔容易，而我覺得佢做退團決定唔容易，完全尊重佢決定，希望大家真係畀空間佢！

芯駖：非常尊重，當然唔開心一定會有，由《全民造星IV》到而家都係八個人，最希望So Ching身心健康，走到最舒服嘅路，做舒服嘅自己，七個人都希望繼續有力量行落去。

Winka：第一下知道佢決定，反而係唔想佢因為咁而內疚，每個人都有權利搵自己開心嘅生活，我會接納同尊重佢決定，希望佢好好繼續行落去，希望佢搵到快樂！

Day：成團到而家所有回憶都喺我哋心入面，唔會消失，尊重佢呢個決定，希望大家同我哋一樣祝福佢。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組